?М.Нарантуяа-Нара: Сургууль, цэцэрлэгийг 12 дугаар сарын 15-наас амрааж, 2 дугаар сард хичээллүүлэх бичиг хүргүүлнэ

УИХ-ын гишүүн М.Нарантуяа-Нара Боловсролын сайд П.Наранбаярт "Томуу, утааны аюултай үед сургууль, цэцэрлэгийг 12 дугаар сарын 15-наас амрааж, 2 дугаар сард хичээллүүлэх бичиг хүргүүлнэ" гэж мэдэгдлээ. 

УИХ-ын гишүүн М.Нарантуяа-Нара:

-Эрчим хүчний реформыг зөв хийх шаардлагатай. Гэвч өнөөдөр эрчим хүчний шинэчлэлийг учир дутагдалтай эхэлж байна гэж харж байна. Шинэчилнэ гэчихээд маш цэвэр аргаар төсвөөс мөнгө авч байна. Төсвөөс 8 тэрбум төгрөгийг авч байгааг буруу гэж харж байна.

Боловсролын сайд П.Наранбаярт бичиг хүргүүлж байгаа. Хүйтний улирал, утааны энэ оргил үед эрүүл мэндийн яам, боловсролын яам хамтран ажиллах шаардлагатай байна. Хүүхдийн ханиад томууны өвчлөл их байгаа энэ үед сургууль, цэцэрлэгийг 12 дугаар сарын 15-наас амрааж, 2 дугаар сард хичээллүүлэх шаардлагатай гэж үзэн бичиг хүргүүлж байгаа гэв.