С.Зориг бусдын гарт амиа алдаад 26 жил өнгөрчээ
Монголын Ардчилсан хувьсгалын хөдөлгөөний удирдагчдын нэг, УИХ-ын гишүүн, Дэд бүтцийн сайдаар ажиллаж байсан Санжаасүрэнгийн Зориг 1998 оны аравдугаар сарын 2-ны өдөр бусдын гарт амиа алдсанаас хойш бүтэн 26 жил өнгөрчээ.
С.Зориг МУИС-д Шинжлэх ухааны Коммунизмын онолын багш, МХЗЭ-ийн Улаанбаатар хотын хороонд зааварлагч, МоАХ-ны Ерөнхий зохицуулагч, Монголын Парламентын бүлгэмийн дарга, УИХ-ын гишүүн, УИХ-ын Төрийн байгуулалтын Байнгын хорооны дарга, Дэд бүтцийн сайд зэрэг төрийн өндөр албан тушаалуудыг хашиж, явсан нэртэй зүтгэлтэн байсан юм.
Түүнийг зэрлэгээр хөнөөсөн хэрэгт өнгөрсөн 26 жилийн хугацаанд олон хүнийг цагдан хорьж, шалгасан ч одоо хүртэл энэ хэргийг үйлдсэн этгээдийг олж тогтоогоогүй байна. Тухайлбал, Ц.Амгаланбаатар, Т.Чимгээ, Б.Содномдаржаа нарыг энэ хэрэгт холбогдуулан яллаж, шүүхээс 20-25 жилийн хорих оноосон ч эдгээр хүмүүс нь гэмт буруугүй хэмээн шүүх шийдвэрээсээ буцсан юм.
Одоо С.Зоригийг хөнөөсөн хэргийг Цагдаагийн ерөнхий газрын даргаар ахлуулсан ажлын хэсэг шалгаж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.