Батлан хамгаалахын сайд С.Бямбацогт Цэргийн төв эмнэлгийн үйл ажиллагаатай танилцлаа
Батлан хамгаалахын сайд С.Бямбацогт 103 жилийн түүхтэй Цэргийн төв эмнэлгийн үйл ажиллагаатай танилцлаа.
Яаралтай түргэн тусламжийн үйлчилгээг мэргэжлийн өндөр түвшинд үзүүлж, улсдаа дээгүүр эрэмбэлэгддэг Цэргийн төв эмнэлгийнхээ ажилтан албан хаагч, эмч мэргэжилтнүүдтэй Батлан хамгаалахын сайд уулзаж танилцлаа. Батлан хамгаалах салбар, Зэвсэгт хүчний бие бүрэлдэхүүн болон ахмад дайчид, тэтгэвэр чөлөөнд гарсан ахмадууд, тэдний ар гэрийнхэнд эрүүл мэндийн тусламж үйлчилгээг үзүүлэхийн зэрэгцээ БЗД, Налайх, Багахангай дүүргийн ард иргэдэд давхар хүрч үйлчилж байна.
Цэргийн төв эмнэлгээр жилдээ 100 мянга гаруй хүн үйлчлүүлдэг. Энэ тоо жил ирэх тусам өсөх хандлагатай байна.
Батлан хамгаалах салбарын эрүүл мэндийн манаанд тасралтгүй хүчин зүтгэж яваа эмнэлгийнхээ нийт ажилтан албан хаагч, эмч мэргэжилтэнгүүдийнхээ нийгмийн асуудлыг шийдвэрлэж, үйл ажиллагааг өргөжүүлэх тал дээр цаашид анхаарч ажиллана гэдгээ салбарын сайд онцоллоо.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.