СПОРТ
ХӨГЖИМ
™ watch
Улс төр | 2024-05-31

“Үндэсний Эвсэл”-ийн тэргүүн Н.Номтойбаяр СЕХ-ны шийдвэрийг хууль зөрчсөн гэж шүүхэд хандлаа

Нийтэлсэн
1 сарын өмнө


Сурталчилгаа
Нийтэлсэн:   З.Балдандугар
1 сарын өмнө

“Сонгуулийн ерөнхий хороо”-оос “Үндэсний Эвсэл”-ийн тэргүүн Н.Номтойбаярыг нэр дэвшүүлэхгүй байх шийдвэр гаргасан. Энэ асуудлаар “Үндэсний Эвсэл”-ээс Нийслэлийн Захиргааны хэргийн давж заалдах шатны шүүхэд хандлаа. Энэ үеэр хуульч О.Батхүү мэдээлэл өглөө.

Хуульч О.Батхүү:

-Энэ бол илт хууль зөрчсөн шийдвэр. Тиймээс энэ шийдвэрийг хүчингүй болгох, нэрийг нь жагсаалтад оруулах талаарх шаардлагыг Нийслэлийн Захиргааны хэргийн давж заалдах шатны шүүхэд хүлээлгэн өгөөд байна. ЦЕГ-ын албан бичгийг . Авлига албан тушаалын хэрэг гэдэг нэгдүгээрт, хүний идэвхтэй үйл ажиллагаа шаарддаг. Шунахайн сэдэлтэй, өөртөө болон бусдад давуу тал олгох шинж чанарыг агуулсан байх ёстой.

Н.Номтойбаярын буруутгагдсан 23 дугаар бүлэгт албан тушаалд хайнга хандсан талаар тусгагдсан байдаг. Албан тушаалд хайнга хандах гэмт хэрэг нь идэвхтэй үйл ажиллагаа заавал шаарддаггүй. Өөрөөр хэлбэл, дор ажилладаг хүмүүс алдаа дутагдал гаргасан учраас түүнийх нь даргад хариуцлага хүлээлгэж байгаа юм. Таны хүүхэд гадаа гүйж яваад машины цонх хагалчихлаа гэж бодъё. Тэгвэл та эцэг, эхийн хувьд хүүхдийнхээ өмнөөс хариуцлага хүлээх ёстой болж байгаа юм. Түүнтэй адил Н.Номтойбаярын хувьд өөрийнх нь дор ажилладаг хүмүүс алдаа дутагдал гаргасан, түүнийг нь хянаагүй, шалгаагүй гэдгээр буруутгаж ял олгосон. Хуульд илтэд ойлгомжтой тайлбарласан зүйлийг Сонгуулийн Ерөнхий хороо буруугаар тайлбарлаж, хүний сонгогдох эрхэд халдаж байна.

Монгол Улсын Үндсэн хуульд төрийн эрх бүх ард түмний гарт байна гэж заасан байдаг. Ард түмэн энэ эрхээ сонгуульд оролцох, сонгогдох замаар эдэлдэг. Энэ зөвхөн Н.Номтойбаярын сонгогдох эрх зөрчигдөөд зогсохгүй Монгол Улсын иргэдийн сонгох эрх хөндөгдөж байна. Сонгуульд хэн өрсөлдөх, өрсөлдөхгүй, хэн сонгогдох, сонгогдохгүй байхыг иргэд өөрсдөө шийдэх эрхтэй. Гэтэл өнөөдөр төрийн байгууллага шийдэж байна. Энэ нь миний сонгох эрхэнд халдаж байна. Шүүх хуулиа барьж шийднэ гэж бодож байна. Энэ бол илт ойлгомжтой маргаан. .

Захиргааны хэргийн шүүх түргэвчилсэн байдлаар энэ маргааныг шийдэх ёстой. Хуулинд 30 хоног гэж заасан ч заавал тийм хугацаанд хүлээх шаардлага байхгүй. Сонгууль болохоос өмнө энэ маргааныг шийдэж нэг талд нь гаргана гэдэгт итгэлтэй байна” гэлээ.  

Сурталчилгаа


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.