Улсын Их Хурлын чуулганы өнөөдрийн /2024.05.02/ хуралдаанаар Энхийг дэмжих ажиллагаанд оролцох тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2024.04.17-ны өдөр өргөн мэдүүлсэн, хэлэлцэх эсэх/асуудлыг хэлэлцэж байна.

Хэлэлцэж буй асуудалтай холбогдуулан гишүүд асуулт асууж, хариулт авч байна.

УИХ-ын гишүүн Э.Батшугар:

-Хууль санаачлагчаас нэг зүйл тодруулъя. Г.Сайханбаяр генералаас асууя. Саяхан мэдээгээр Казахстан улсад хэрэглэж байсан 81 ширхэг, Миг27, Миг29 болон Сү24 гэх сөнөөгч онгоцуудыг 19-21 мянган ам.доллараар зарж байгаа гэх мэдээлэл гарлаа. Эдгээр онгоцуудыг нисэх хүчнийхээ чадамжийг сайжруулах чиглэлээр манай улс худалдаж авч болох уу. 

Батлан хамгаалахын сайд Г.Сайханбаяр:

-Энэ тухай мэдээлэл байгаа. Гэхдээ энэ асуудлаар төрөл марк, нэр хэлэх боломжгүй байна. Агаарын цэргийн комдандлагч болон ажлын хэсгийн бүрэлдэхүүн манайд одоо буюу тайван цагт ашиглагдаж онгоц, нисэх хэрэгслүүдийг засварлаж, шинэчлэх чиглэлээр ажиллаж байгаа. Тэр хүрээнд бид судлаад авах боломжтой.  

---