Орос, Хятадын хилийн авто замын боомтууд түр хаагджээ
Монгол Улстай хиллэдэг БНХАУ, ОХУ-ын боомтуудын ажиллах болон түр хаах хуваарийг Гаалийн байгууллагаас танилцуулав.
Энэ сард агаарын болон төмөр замын боомтууд өдөр бүр ажиллах бол авто замын зарим боомт түр хаагдах юм байна.
Тодруулбал ОХУ-тай хиллэдэг Цагааннуур, Арцсуурь, Тэс, Боршоо, Ульхан боомт тавдугаар сарын 1-нээс гадна ялалтын баярын өдрүүдэд түр хаах бол БНХАУ-тай хиллэдэг Замын-Үүд, Хавирга, Ханги, Булган, Гашуунсухайт, Шивээхүрэн, Бургастай, Бичигт, Баянхошуу, Сүмбэр авто замын боомтыг өнөөдрөөс эхлэн тавдугаар сарын 4-нийг хүртэл түр хаажээ. Энэ нь олон улсын хөдөлмөрчдийн баяр тохиож буйтай холбоотой байна.
Монгол Улсад Бурхан багшийн их дүйчин өдөр буюу бүх нийтийн амралтын өдөр тавдугаар сарын 23-нд тохиох тул эдгээр авто замын боомт түр хаагдана.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.