Ардчилсан намын гишүүд Ардчилсан нам сөрөг хүчний ажлаа огт хийхгүй, иргэдийнхээ эсрэг байгаа намын дарга нараа уучлалт гуйхыг шаардлаа.

АН-ын гишүүн Г.Хажидмаа:

-Монгол Улсын нэг сая иргэн хувьцаагаа луйвардуулаад алдчихсан. Бид УИХ-ын гишүүд, төрийн өндөрлөгүүдэд энэ талаар албан шаардлага хүргүүлж байгаа ч тодорхой хариулт өгөхгүй өнөөдрийг хүрлээ. Одоо Үндсэн хуулийн цэц дээр очиход ойрхон болсон.

Тавантолгойн хувьцааг таван жилийн хугацаатай тогтоолын төслийн С.Баярцогт, Ч.Сайханбилэг нарт луйвардуулсан иргэд хувьцаагаа худалдаж авах боломжтой гэх тогтоолын төслийг хэлэлцсэнгүй. Ингээд Ардчилсан намаас болж хувьцаагүй болсон иргэд 2022, 2023 оны ногдол ашгаа мөн авч чадсангүй. 

Ардчилсан намынхан 2016 онд гаргасан тогтоолыг хүчингүй болгож бүх иргэдээ 1072 хувьцаатай болгож нэг гараанаас гаргамаар байна. Ардчилсан намынхан ядарсан иргэдээ дээрэлхэж авсан хувьцаагаа яах талаараа нэг ч үг дугарсангүй. Тийм учраас Ардчилсан намынхан өөрсдийн хийсэн жонхуугаа нэн яаралтай засаж залруулаад, иргэдээс уучлалт гуй.

Ардчилсан нам сөрөг хүчний ажлаа хийхгүй байна. С.Баярцогт ардчилсан намыг жонхууруулж байна. 72 цагийн хугацаанд Ардчилсан намын дарга нар иргэдээсээ уучлалт гуйхгүй бол би болон анхан шатны иргэд Ардчилсан намаасаа гарна гэв. 

---