Жо Байден: АНУ нь Израилийн аюулгүй байдлыг хамгаална

Иранаас Израиль руу пуужингийн цохилт өгч байгаатай холбогдуулан АНУ-ын Ерөнхийлөгч Жо Байден өчигдөр буюу бямба гарагт Цагаан ордны Үндэсний аюулгүй байдлын багийн гишүүдтэй уулзсан байна.

Ерөнхийлөгч Жо Байдены хувьд Ираны газар нутгаас Израиль руу дайрсан нь Ойрхи Дорнодын мөргөлдөөн эхэлснээс хойш түүний зайлсхийхийг маш их хүсэж байсан хувилбар хэмээн хэвлэлүүд онцолжээ. Гэвч АНУ нь Ираны эсрэг Израилийг хамгаалж, хариу арга хэмжээ авах төлөвлөгөө хэвээр байгаа аж. АНУ-ын Ерөнхийлөгч Жо Байден “Израилийн аюулгүй байдлыг хангах бидний байр суурь хэвээр байна” гэжээ.

Нөгөөтэйгүүр Жо Байден бүс нутгийн бүрэн хэмжээний мөргөлдөөн гарахаас урьдчилан сэргийлэхээр зорьж байгаа хэмээн онцолжээ.