2023 оны аравдугаар сарын 03-нд Дорноговь аймгийн Сайншанд суманд 12 настай охин сураггүй алга болсон хэрэг гарсан. Уг хэргийг Г.Гантулга гэгч нь үйлдэж, охиныг хээр аваачиж амийг нь хөнөөсөн болох нь тогтоогдсон.

Энэхүү хэргийн шүүх хурал Дорноговь аймаг дахь сум дундын эрүүгийн хэргийн анхан шатны шүүхэд өнөөдөр болно. Г.Гантулгад прокуророос Эрүүгийн хуулийн 13.2 дугаар зүйлийн 2.1 (Хүн хулгайлах), 12.1 дүгээр зүйлийн 4 (хүчиндэх), 10.1 дүгээр зүйлийн 2.1, 2.4, 2.7 (Хүнийг алах)-д зааснаар яллах дүгнэлт үйлдээд байгаа юм. 

---