"Сонгинохайрхан дүүргийн 32 дугаар хороо, Эмээлт дэх мах боловсруулах үйлдвэрт зүй бусаар хорогдсон малын махыг бөөрөнхий мах болгож байна” гэх иргэний мэдээлэл цахим сүлжээнд цацагдсан юм.

Мэдээллийн мөрөөр “Монгол бугат тал нутгийн хүнс” компанийн байранд мэргэжлийн байгууллагууд шалгалт явуулахад зудын улмаас зүй бусаар хорогдсон малын мах болох нь тогтоогдсон байна.

Дээрх “Монгол бугат тал нутгийн хүнс” компанийн үйлдвэрийн үйл ажиллагааг зогсоож битүүмжилжээ. Тус компани нь БНХАУ-ын хөрөнгө оруулалттай бөгөөд мах боловсруулах үйлдвэрийн үйл ажиллагаа явуулдаг аж.

Мөн Мал эмнэлгийн ерөнхий газраас гарал үүсэл нь тодорхойгүй 60 гаруй тонн махыг устгалд оруулжээ.

---