Билл Гэйтсийн энэ онд уншсан шилдэг номууд

“Microsoft” корпорацийг үүсгэн байгуулагч, тэрбумтан Билл Гэйтс номын хорхойтнуудын нэг. Түүний уншсан номын жагсаалтуудыг танилцуулах нь маш чухал маркетингийн нэг хэсэг болдог. Учир нь дэлхийд алдартай, нэр хүндтэй эрхмийн уншсан зохиол бүтээлийг сонирхсон хүмүүс ихээр худалдан авах нь бий.

Тэгвэл хөрөнгө чинээгээрээ дэлхийд эхний тавд багтсаар ирсэн Гэйтс гэгч эрхэм энэ онд чухам ямар ном сонирхож уншсаныг танилцуулья. Тэрээр ихэнхдээ уран зөгнөлт зохиол бүтээлээс татгалзаж, технологи баримт нотолгоог илүү сонирхдог байна. Билл Гэйтс 2018 онд уншсан номуудаас дараах таван номоо онцолжээ.

1.    “Educated” – Тара Вестовер

“Би урьд өмнө хэзээ ч ийм төрлийн зохиолд татагдана гэж бодож байгаагүй. Гэхдээ тэр маш сайн зохиолч юм. Түүний аймшигтай хүүхэд насны тухай уншаад өөрийнхөө бага настай харьцуулан бодолд автсан” гэж Гэйтс бичжээ. АНУ-ын Ерөнхийлөгч асан Барак Обамагийн энэ онд уншсан шилдэг номын жагсаалтад энэ ном ч мөн багтсан байсан юм.

2.    “Army of None” – Пол Шэйр

Армийн цагдаа, батлан хамгаалахын мэргэжилтний бичсэн номыг Гэйтс худалдаанд гарахыг нь хүлээсээр байжээ. Шэйр автономит дайны эерэг ба сүүдэртэй талуудыг судалж, маргаантай сэдвийг тун ухаалгаар тайлбарласан гэж Билл Гэйтс үзсэн байна.

3.    “Bad Blood” – Жон Кэррироу

Тэрбумтан Гэйтс номыг хуудас нэг бүрээр нь эргүүлэн унших нь ховор аж. Гэхдээ Кэррироугийн биотехнологийн стартап Тераносын уналт, өсөлтийн тухай ном түүнийг нухацтай уншихад хүргэжээ. “Энэ бол өвлийг дулаацуулах шилдэг ном” гэж дүгнэсэн байна.

4.    “21 Lessons for the 21st Century” – Юваль Ноа Харари

“Энэ ном бол 21 дүгээр зуунд тулгамдсан асуудлыг дэлхийн нийтээрээ хэрхэн авч үзэж байгааг харуулсан” гэж Гэйтс дурджээ. Гэвч Харарийн дэвшүүлсэн саналуудтай тэрээр огт санал нэгдээгүй байна.

5.    “The Headspace Guide to Meditation and Mindfulness” – Энди Пуддикомбе

“Headspade” аппликейшныг үүсгэн байгуулагч Пуддикомбетэй уулзах хүртлээ тэрбумтан бясалгалын хүчинд итгэдэггүй байжээ. Билл болон Мелинда Гэйтс нар номын зохиогчийн бясалгалд явж, гэр бүлийнхэндээ зааж зөвлөх байна.

Эх сурвалж: www.qz.com