ШӨХТГ-аас гурилын үнийн асуудлаар мэдээлэл хийжээ. 

ШӨХТГ-ийн дарга Б.Билгүүн:

-Сүүлийн үед манай байгууллагад гурилын үнэ өссөн гомдлууд ирсээр байна. Улаанбуудай гурилын 87.5 хувийг эзэлдэг. 2022 онд гурилын салбарт үнийн өсөлт ажиглагдсан учраас шалтгалт явуулсан. Улаанбуудайн үнэ хэвэндээ байхад гурилын үнэ огцом өссөн нь үндэслэлгүй гэдэг дүгнэлтийг гаргасан.

Монголын гурил үйлдвэрлэгчдийн бодлого төлөвлөлтийн нэгдсэн холбоо гээд энэ холбоонд гурил үйлдвэрлэгчид гишүүнээр байдаг. Үүн дээрээ үгсэн хуйвалдан гурилын үнийг зэрэг нэмсэн нөхцөл байдал ажиглагдсан. Энэ дээр хэрэг үүсгээд шүүхийн шатанд явж байна. Шүүх дээр хэрэг эцэслэгдэн шийдэгдээгүй байгаа ч өнөөдрийн байдлаар үнийн судалгаа хийхэд гурилын үнэ тогтмол өссөөр байна.

2022 оны  нэгдүгээр сараас арван нэгдүгээр сар хүртэл:

-Нэгдүгээр гурил үнэ- 53.1 хувь
-Дээд гурилын үнэ- 62.8 хувь
-Хоёрдугаар гурил үнэ- 40.9 хувиар өссөн.

2023 оны нэгдүгээр сараас өнөөдрийг хүртэл гурилын үнэ тогтмол өссөөр байна. Өнгөрсөн нэгдүгээр сараас хойш дээдийн дээд гурилын үнэ таван удаа нэмэгдэж, нийт өсөлтөөр нь харвал 19 хувь буюу 1 кг тутамд 630 төгрөг, дээд гурил дээр 9 удаагийн үнэ нэмж нийт 16 хувиар нэмсэн 1 кг 405 төгрөг, нэгдүгээр гурил дээр 9 удаа нэмж 12 хувийн өсөлт буюу 267 төгрөг, хоёрдугаар гурил дээр 11 хувь буюу 154 төгрөгний өсөлт ажиглагдлаа. Гурил үйлдвэрлэгчдэдээ уриалахад шударга өрсөлдөөний холбогдох хууль тогтоомжийг биелүүлж, хэрэглэгчийн эрх ашгаа хүндэтгэн дээдлэхийг хүсэж байна.

2022 оны нэгдүгээр сараас арванхоёрдугаар сарын хооронд:

• Дээд гурил дунджаар 62.8 хувиар өссөн
• Улаанбаатар дээд гурил 47 хувиар өссөн
• Улаанбаатар нэгдүгээр гурил 41 хувиар өссөн
• Од групп дээд гурил дээр 95.5 хувиар
• Од групп нэгдүгээр гурил дээр 70 хувиар үнээ өсгөсөн
• Алтан тариа дээд гурил дээр 64 хувиар үнээ өсгөсөн
• Алтан тариа нэгдүгээр гурил дээр 55.6 хувиар үнээ өсгөсөн судалгаа гарсан.

Монгол улсад гурилын импортын асуудал эргээд яригдах ёстой. Гурил үйлдвэрлэгч нар үгсэн хуйвалдаж үнээ өсгөөд байгаа бол өрсөлдөөнийг бий болгох нь чухал юм. Өрсөлдөөн гэдэг нь гадны ижил төрлийн бараа бүтээгдэхүүнийг зах зээлд нэвтрүүлэх боломжийг бүрдүүлэх шаардлагатай зөвлөмжийг бид нар холбогдох байгууллагуудад хүргүүлсэн.

ШӨХТГ-аас Улаанбаатар гурил ХХК-д 5.9 тэрбум торгууль, Од групп ХХК-д 1.4 тэрбумын торгууль тавьсан ч эцэст нь шийдэгдээгүй байна. Бусад үйлдвэрлэгчид зах зээлд нөлөөлөхүйц оролцоо ажиглагдаагүй гэж үзсэн учраас торгууль тавигдаагүй гэв.

---