Нийслэлийн ИТХ-ын ээлжит бус хуралдааны хоёрдугаар хэлэлцүүлэг дуусаж, Хотын дарга Х.Нямбаатар сэтгүүлчдийн асуултад хариулав.

Хотын дарга Х.Нямбаатар: 

-Энэ удаагийн төсвийн тодотголын хамгийн гол ач холбогдол анх удаагаа Улаанбаатар хотод метроны тендер эхлэх төсвийг том дүнгээр нь буюу энэ жил санхүүжих дүнгээр нь баталж өглөө. Маргаашаас олон улсын нээлттэй тендер зарлана.

Метроны төлөвлөлтийг ТЭЗҮ үндэслэж ярина. Түүнээс галзуу лайвчин метроны чиглэл заана гэж байхгүй. Метроны ТЭЗҮ-г япон судлаач хийсэн. Аливаа метроны эхлэл төгсгөл болгон дээр депо гэж байна. Депо гэдэг нь метроны засвар үйлчилгээг хийдэг. Хамгийн боломжтой нь Амгалан, Толгойтын өртөө.

Ногоон автобусны хэрэгт холбоотойгоор Тэнүүн-Огоо ХХК-ийг Нийслэл өрөндөө авч байгаа.

ҮЦХ-гийн голд нэг айлын эдлэн байдаг. Энэ асуудлын хууль эрхзүйн маргаан дуусаж, шүүх дээр ялсан. Газар чөлөөлж өгөхгүй бол ШШГЕГ албадан нүүлгэнэ гэлээ. 

---