Монгол орны нийт нутаг дэвсгэрт хаваржилт хүндэрч байгаатай холбогдуулан 117 сумын 110 мянга гаруй малчдад хүнсний бүтээгдэхүүн олгохоор Засгийн газраас шийдвэрлэсэн юм.

Тодруулбал, хаваржилт хүндэрч байгаа аймгуудын малчдад улсын нөөцөөс гурил, цагаан будаа, элсэн чихэр, давс, цай, ургамлын тос зэрэг шаардлагатай хүнсний тусламж олгох юм.

Энэхүү хүнсний бүтээгдэхүүнийг малчдад тээвэрлэн хүргэхэд нийт таван тэрбум төгрөг зарцуулахаар болжээ.

---