Үндэсний эрх чөлөө, тусгаар тогтнолоо сэргээсний ойн өдрийг тохиолдуулан Монгол Улсын Ерөнхийлөгч зарлиг гаргаж, улс төр, нийгэм, эдийн засаг, соёл урлаг, спортын салбарт өндөр амжилт үзүүлсэн хүмүүсийг төрийн одон медалиар шагнадаг уламжлалтай.

Энэ удаагийн Ерөнхийлөгчийн зарлигаар дуучин Д.Отгонжаргал Монгол Улсын гавьяат жүжигчин цол, тэмдэгээр шагнуулахаар болжээ.

Дуучин Д.Отгонжаргал нь “Миний ээж тэмээчин”, “Өнө мөнх орон”, “Эх орон танаа”, “Амин үргэлжлэл”, "Хун галуу" зэрэг олон сайхан уран бүтээлийг сонсогч түмэндээ хүргэж, ард түмний сонсох дуртай уран бүтээл болсон байна. 

---