СПОРТ
ХӨГЖИМ
™ watch
Улс төр | 2023-12-04

Б.Дэлгэрсайхан: Ногоон автобусыг буцаах боломжгүй байна, үйлдвэрлэсэн компани нь буцааж авахгүй нь ойлгомжтой

Нийтэлсэн
3 сарын өмнө


Сурталчилгаа
Нийтэлсэн:   Н.Түвшин
3 сарын өмнө

Нийслэл Улаанбаатар хотын авто замын түгжрэлийг бууруулах Үндэсний хороо өнгөрсөн долоо хоногийн баасан гарагт ээлжит V хуралдаанаа хийсэн байна. Хуралдаанаас гарсан шийдвэрийн талаар УИХ-ын гишүүн, Нийслэл Улаанбаатар хотын авто замын түгжрэлийг бууруулах Үндэсний хорооны дарга Б.Дэлгэрсайхан холбогдох албаны хүмүүсийн хамт мэдээлэл хийлээ. Тэрээр дараах мэдээллийг өглөө.

УИХ-ын гишүүн, Улаанбаатар хотын авто замын түгжрэлийг бууруулах Үндэсний хорооны дарга Б.Дэлгэрсайхан:

-Улаанбаатар хотын түгжрэлийг бууруулах цогц асуудлыг шийдвэрлэх зорилгоор өнгөрсөн долоо хоногийн баасан гарагт эрдэмтэн мэргэжилтэн, Засгийн газрын гишүүд, дэд сайдууд, яамдын төрийн нарийн бичгийн дарга нар, Улаанбаатар хотын харьяа болон хамтарсан байгууллага гээд Нийслэл Улаанбаатар хотын авто замын түгжрэлийг бууруулах Үндэсний хороонд ордог 40 гаруй байгууллагын төлөөллийг оролцуулж, түгжрэлийг бууруулах Үндэсний хорооны ээлжит V хурлаа хийсэн.

Улаанбаатар хотын түгжрэлийг бууруулах гол зорилгоо Нийслэлийн нийтийн тээврийн хүртээмжийг нэмэгдүүлэх, автомашины хэрэглээг зохицуулах асуудал гэж харж байгаа. Нийслэлийн нийтийн тээврийг шинэчлэх асуудалд хотын шинэ удирдлагатайгаа хамтран анхаарал хандуулан ажиллаж байгаа. Түгжрэлийг бууруулах Үндэсний хорооны хурлаас зөвлөмж гаргасан. Тухайлбал, нийтийн тээврийн автобус шинээр ороод ирсэн нөхцөлд хэрхэн зохион байгуулалт хийх асуудлыг ярилцсан. Түгжрэлийг бууруулах Үндэсний хорооны дэргэд Мэргэжлийн зөвлөл байгуулж байна. Түгжрэлийг бууруулахтай холбоотой арга хэмжээг шуурхай зохион байгуулж ажиллана.

Мөн түгжрэлийг бууруулах чиглэлээр хэрэгжүүлэх төсөл арга хэмжээнд оролцох төр, хувийн хэвшлийн ажиллагаанд олон нийтийн хяналт тавих хүрээнд Хяналтын зөвлөлийг байгуулан ажиллана. Нийтийн тээврийн автобус авахаар тендер зарласан. Автобус нийлүүлэх компани шалгарсан. Тендерийн ямар нэгэн маргаан гарахгүй бол ирэх долоо хоногоос тус компанитай гэрээ байгуулах асуудал яригдана. Автобусыг хүлээн авах асуудлын хувьд, Бээжинд очиж, шалгаж хүлээж авч болно.

Энхтайвны өргөн чөлөөгөөр явж байгаа автобусны чиглэлүүдийн давхардлыг арилгана. Нэг автобусны буудал дээр 20 гаруй чиглэлийн автобус ирдэг. Энэ байдлыг болиулна. Автобус нэг чиглэлд л явдаг болно. 

Зорчигч өглөө автобусанд картаа уншуулаад суусан бол тэр өдөртөө дахин төлбөр төлөхгүй байх зохицуулалтыг хийж байна. Өглөө уншуулсан картныхаа мэдээллээр дараагийн автобусанд хэдэн ч удаа үнэгүй зорчоод явна гэсэн үг.

Автобусны буудал дээр тахси болон хувийн автомашин орж зогсохгүй байх, автобусанд саад учруулахгүй байх нөхцөлийг бүрдүүлнэ.

Чанарт, стандартад нийцэхгүй ногоон автобусыг хэрхэх талаар асуусан сэтгүүлчийн асуултад Б.Дэлгэрсайхан сайд Хоёрдугаарт, автобусыг буцаахад ямар хэмжээний зардал гарах вэ. Галт тэргэнд ачаад хаа хүртэл аваачих юм, тодорхойгүй байгаа учраас хууль хяналтын байгууллага шалгаж байгаад шийдвэрлэнэ” гэдэг хариулт өглөө. 

Сурталчилгаа

Манай хуудсыг дагаарай!


Сэтгэгдэл (4)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
3 сарын өмнө
124.158.107.35

үйлдвэрлэсэн гэнэ үү тийм юм байхгүй засаж будсан гэвэл болно

Зочин
3 сарын өмнө
124.158.107.35

тйим бол устгах хэрэгтэй

irgen
3 сарын өмнө
139.5.217.195

Ed nar odoo tenegee gaihuulaad bgaa ym uu.huivaldaj idchiheed argalah geed bna uu.oruulj irsen humuuseer ni mongiig ni toluuleed ted nar ni yahaa meddeggui ym uu.

зо,иин
2 сарын өмнө
66.181.184.245

Ойлгомжтой гэж юу яриад байгаа маанаг вэ,өөрөө өгөх дбргүй байна уу,Хямд бага үнэат авчихаад булзааруулж байна,хуваагаад цусалжээ,ман мангарууд ,энэ шавганц дибэль юмс ирэх сонгубльд намаа сөнөөжээ

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.