Англи улсын Манчестер хотноо паратаеквондогийн гран при финалын тэмцээн өнөөдөр зохион байгуулагдана. 

Жин тус бүрийн шилдэг тамирчид урилгаар оролцох энэхүү гран при тэмцээний нэг жинд хамгийн дээд тал нь найман тамирчин өрсөлдөх юм. Өчигдөр /2023 оны 11 сарын 30/ тэмцээний сугалаа явагдсан ба 22 улсын эрэгтэй 37, эмэгтэй 34 буюу нийт 71 тамирчин бүртгэгдсэн байна.

Манай улсаас паратаеквондогийн үндэсний шигшээ багийн гурван тамирчин дасгалжуулагч Н.Эрдэнэбаатар, Д.Батнасан нарын хамт оролцож байна. 

• К44 ангиллын эрэгтэйчүүдийн -58кг жинд: Үндэсний шигшээ багийн тамирчин Х.Тимербек эхний тулаанаа тус жинг тэргүүлж буй Израилын Ясур Асафтай тулалдах оноолттой байна. 

• К44 ангиллын -63кг жинд: Үндэсний шигшээ баг, "Алдар" спорт хорооны тамирчин, Дэлхийн таван удаагийн аварга, МУГТ Г.Болор-Эрдэнэ жиндээ 2-т эрэмбэлэгдэж байгаа ба эхний тулаанаа Узбекистаны тамирчинтай тулалдах оноолттой байна. 

• Эмэгтэйчүүдийн -52кг жинд: Үндэсний шигшээ багийн тамирчин, дэлхийн аваргын хүрэл, Азийн наадмын мөнгөн медальт ОУХМ У.Сүрэнжав эхний тойрогт Бразилын тамирчинтай тулалдах оноолттой байна. 

Тэмцээн өнөөдөр /12.1/ Улаанбаатарын цагаар 17:00 цагт эхлэх ба таеквондогийн спортыг дэмжигч livetv.mn/sport суваг бүх дэвжээг нэгэн зэрэг шууд дамжуулан үзүүлнэ.