"Үнэн ба зөв" намын дарга А.Отгонбаатар,“Босоо Монгол” ТББ-ын тэргүүн П.Шинжээравдан тэргүүтэй хүмүүс арванхоёрдугаар сарын 2-ны өдөр Нүүрсний хулгайг “Мартаж үл болно” жагсаал зохион байгуулах талаараа мэдээлэл хийв.

Үнэн ба зөв намын дарга А.Отгонбаатар:

-2022 оны 12 дугаар сард Нүүрсний хулгайг эсэргүүцсэн иргэдийн жагсаал болсон. Бид хулгайчдыг мартаж үл болно жагсаалыг дахин сануулж жагсана. Биднийг жагсах сургаар гүтгэлэг явуулж эхэлсэн. Сэтгүүлч Ч.Лодойсамбуу “ Ерөнхий сайд Л.Оюун-Эрдэнийн захиалгаар хөлсний хүмүүс жагсаал хийх гэж байна. Ингээд Ерөнхий сайд огцроод нүүрсний хэлэлцүүлгийг мартаж, хэн ч хариуцлага хүлээхгүй өнгөрөх гэж байна” гэсэн. Мөн ХЗДХ-ийн сайд Б.Энхбаяр “Авлигачид айсандаа жагсаал хийх гэж байна” гэсэн. Биднийг жагсаал хийх сургаар зарлагдахгүй удаад байсан нүүрсний сонсголын товыг зарлачихлаа. 

Авлига албан тушаалын шүүх байгуулах асуудал дээр иргэд уянгалаад байна. Авлагчид нэг нэгнээ шоронд хийх эсэх нь хамаагүй. А.Отгонбаатар, П.Шинжээравданг улс төр рүү орвол хэлмэгдүүлнэ гэнэ. Биднийг хэлмэгдүүлээд шоронд хийх сэдэл өгөхгүйгээр төрд шударга ажиллана.

Засгийн газраас нүүрсний хэлэлцүүлгийн товыг тогтсон учир бид жагсаалаа цуцалъя гэв. 

---