?LIVE: “УБДС” ТӨХК-ийн гүйцэтгэх захирал асан Д.Бямба-Очир: Шүүх хурал болоогүй байхад мэдээлэл өгөхгүй

ХХААХҮ-ийн сайд асан Т.Бадамжунай нарт холбогдох хэргийн шүүхийн урьдчилсан хэлэлцүүлэг өнөөдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд эхэлсэн ч Т.Бадамжунайгийн биеийн байдал тааруу, оролцох боломжгүй гэдэг үндэслэлээр хойшлуулсан.

Шүүхийн урьдчилсан хэлэлцүүлэг ирэх сарын 03-ны өдөр хүртэл хойшлогдсон. Энэ хэрэгт Т.Бадамжунайн хүргэн, ХХААХҮЯ-нд удирдах албан тушаал хашиж байсан Э.Жаргалсайхан, “Улаанбаатар дулааны сүлжээ” ТӨХК-ийн захирал асан Д.Бямба-Очир, “Улаанбаатар цахилгаан түгээх сүлжээ” ТӨХК-ийн захирал асан Д.Баярсайхан нарыг яллагдагчаар татаад байна.

Энэ хэрэгт яллагдагчаар татагдаад буй “Улаанбаатар дулааны сүлжээ” ТӨХК-ийн захирал асан Д.Бямба-Очироос мэдээлэл авахыг хүссэн ч “Шүүх хурал болоогүй байхад мэдээлэл өгөхгүй” гэв.