Мишель Обамагаас Меган Мэркльд өгсөн зөвлөгөө

Меган Мэркль бол Холливүдын кино жүжигчний амьдралаас Их Британийн хатан хааны гэр бүлд шинээр зочлон ирсэн Америк бүсгүй. Түүнийг эрх чөлөөг эрхэмлэгч нийгмээс ордны амьдралд шилжихэд олон хүн зааж зөвлөж, үнэт сургамжаа хайрласан. Хамгийн сүүлд АНУ-ын тэргүүн хатагтай асан Мишель Обама нутгийн бүсгүйд зөвлөгөө өгчээ.

Мишель Обама: “Меган  яг над шиг урьд өмнө нь огт төсөөлж байгаагүй амьдралаа олсон. Ийм тохиолдол өөрөөсөө, бусдаас дарамт ирж буй мэт мэдрэмж төрдөг. Тиймээс миний Меганд өгөх хамгийн том зөвлөгөө бол аливаа зүйлд яарах хэрэггүй, заримдаа түр азнаж бай. Би Цагаан ордонд орсон эхний саруудад охидоо шинэ, сургууль шинэ найзуудтай болоход нь маш их санаа зовж байлаа. Гэхдээ би энэ бүгд сайн хэрэг шүү дээ гэж бодсон”

Сассексийн гүн, гүнгийн авхай Мэрклийн хамт

Бие давхар Сассексийн гүнгийн авхай Меганыг тэвчээртэй, аливааг сайн талаас нь харахыг Мишель Обама уриалжээ. Найман жил Цагаан ордонд амьдарсан тэргүүн хатагтайн өнгөрсөн сард хэвлүүлсэн “Becoming” дурсамж ном хэдий нь оны хамгийн их борлуулалттай ном болоод байгаа. Номынхоо сурталчилгааны ажлаар Европын орнуудад зочлохоор төлөвлөсөн байна. Энэ долоо хоногт Парис, Берлин хотуудад айлчлах ёстой байсан ч эцэг Жорж Бушийн оршуулганд оролцохоор болж айлчлалаа цуцалжээ.

АНУ-ын тэргүүн хатагтай асан Мишель Обама

Мишель Обама: “Өнөөдрийн нөхцөл байдал олон талаараа залуу эмэгтэйчүүдэд хүндхэн байна. Гэхдээ миний уулзсан залуу бүсгүйчүүд надад урам зориг өгдөг. Миний залуу байх үеэс өөр, нийгэм илүү их боломжийг тэдэнд өгч байна. Тэд спорт, математик, шинжлэх ухаан, технологи гээд салбар бүрт өрсөлдөж, дуу хоолойгоо хүргэж чадаж байна.”

Тэргүүн хатагтай асан Мишель Обамагийн Их Британийн “Good Housekeeping” сэтгүүлд өгсөн ярилцлагын хэсгээс хүргэв.

Эх сурвалж: www.cnn.com