П.Анужин: Японд өндөр настныг асрах ажил хийхээр 90 орчим сувилагч гарч явсан
УИХ-ын Нийгмийн бодлогын байнгын хорооны өчигдрийн хурлын үеэр тус байнгын хорооны дарга П.Анужин гадаадад гарч ажиллаж байгаа сувилагчдын тооны талаар анхаарал татсан баримт хөндөв.
"2020-2022 онд Японд өндөр настныг асрах ажил хийхээр 90 орчим сувилагч гарч явсан. КОВИД19 цар тахлын ажлын ачааллаас шалтгаалан 600 гаруй эмч, сувилагч ажлаасаа гарсан" гэх мэт тоо баримтыг дурдав.
Түүнчлэн тэрбээр зөвхөн энэ салбарт бус нийгэм, эдийн засгийн бүхий л салбарт тулгараад байгаа алдсан хүний нөөцийг нөхөх, нийгмийн баталгааг хангах, цалин хангамжийг шийдвэрлэх зэрэг асуудлуудаар идэвх санаачлага гаргаж ажиллахыг Байнгын хорооны гишүүдэд зөвлөлөө.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.