Хэнтий аймгийн Бэрхийн уурхайд ажиллаж байх хугацаандаа үйлдвэрлэлийн осолд орж, өвчний улмаас нас барсан, хөдөлмөрийн чадвараа алдсан 112 уурхайчны ар гэрийнхэн гурван шатны шүүхийн шийдвэрийг хэрэгжүүлэхийг УИХ-аас шаардаж мэдээлэл хийж байна.

Өмгөөлөгч:

-Хэнтий аймгийн Бэрхийн уурхайд ажиллаж байх хугацаандаа үйлдвэрлэлийн осолд орж, өвчний улмаас нас барсан, хөдөлмөрийн чадвараа алдсан 112 уурхайчны ар гэрийнхэн гурван шатны шүүхийн шийдвэр өнөөдрийг хүртэлх хугацаанд хэрэгжихгүй байна. Бэрхийн уурхай 2004 онд хувьчлагдаад 2007 онд хувьд шилжсэн байдаг. Бидний ярьж байгаа асуудал нь тус уурхай төрд байсан үеийг хамаарна. Өмгөөлөгч надад анх 290 иргэн анх хандаж байсан. 

2010 оны хаврын чуулганаар тус асуудлыг анх хэлэлцэж байсан. Ингээд Засгийн газарт чиглэлд өгөөд Төрийн өмчийн хороон дээр ажлын хэсэг байгуулсан. Гурван удаагийн дүгнэлтээр нөхөн олговор олгох шаардлагатай гэж үзсэн. Гэсэн ч энэ нь ажил хэрэг болохгүй явсаар бид эцэстээ шүүхэд хандсан.

Ингээд гурван шатны шүүхийн шийдвэрээр Бэрхийн уурхайд ажиллаж байсан нэр бүхий 112 хүнд нөхөн төлбөр олгох асуудлыг Засгийн газарт даалгах шийдвэрийг 2022 оны тавдугаар сард гаргасан. Гэтэл энэ асуудлыг өнөөдрийг хүртэлх хугацаанд шийдээгүй байна. Иймд бидний зүгээс УИХ-ын дарга болон ХЗБХ-ны дарга Б.Энхбаяртай уулзах саналаа уламжилж байна. Тавдугаар сарын 3-ны дотор бидэнд хариу хэлээгүй тохиолдолд дараагийн арга хэмжээг авч хэрэгжүүлнэ гэв. 

---