Жил бүрийн билгийн тооллын хаврын тэргүүн сарын шинийн 15-нд Хятадын уламжлалт Дэнлүүний баяр болдог. Уг өдөр өчигдөр тохиов.

Уг баяр нь Хятадын Сар шинийн баярын төгсгөл.

Баяраар хүмүүс тухайн жилийнхээ өлзий хишгийг бэлэгшээн улаан өнгийн дэнлүү асаах нь элбэг. Цар тахлын гурван жилд энэ баярыг нижгэр хийгээгүй юм.

Дэнлүүний баяр энэ жил аргын тооллын 2-р сарын 5-нд тохиосон бөгөөд баяраар хүмүүс өнгөт дэнлүү асаахаас гадна гудамж талбайд олноороо Янгэр бүжиг бүжиглэн, цаасан пуужин хөөргөжээ.

---