ЖҮДО: 73кг жинд Монгол бөхчүүд хүрлийн төлөө хоорондоо барилдана
Жүдо бөхийн цуврал тэмцээнүүдийн нэг болох "HONG KONG ASIAN OPEN 2018" өнөөдөр хөнгөн жингийн барилдаанууд эхлэлээ.
Манайхнаас өнөөдөр эрэгтэйчүүдийн -60кг, 66кг, 73кг жингүүдэд нийт 6 бөх барилдсан ба эмэгтэйчүүдийн -52кг, -57кг, -63кг жингүүдэд нийт 8 бөх барилдлаа.
Эрэгтэйчүүдийн -73кг жингийн А хэсэгт Г.Чойжилсүрэн эхний тойрогт Индонези улсын тамирчинг хугацаанаас өмнө цэвэр савж хоёрдугаар тойрогт АНУ-ын тамирчинг нэмэлт цаг дээр ялсан байна. Хэсгийн аваргын төлөө Австрали улсын тамирчинг ялж хагас шигшээ барилдаанд Тажикстан улсын тамирчинд ялагдснаар хүрэл медалийн төлөө барилдах эрхтэй боллоо.
Мөн жингийн D хэсэгт Н.Хадбаатар эхний тойрогт гоц мөргөж хоёрдугаар тойрогт ОХУ-ын бөхийг хугацаанаас өмнө цэвэр савсан байна. Хэсгийн аваргын төлөө Тажикстан улсын тамирчинд ялагдснаар дагах барилдаанд БНСУ-ын бөхийг ялж хүрэл медалийн төлөө хэдхэн мөчийн дараа нутаг нэгт Г.Чойжилсүрэнтэй барилдах гэж байна.
.jpg)
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.