Уулын дугуйн Ази тивийн аваргаас монгол хүү медаль хүртлээ

Уулын дугуйн насанд хүрэгчдийн 27 дахь, залуучуудын 13 дахь удаагийн Ази тивийн аварга шалгаруулах тэмцээн БНСУ-д зохион байгуулагдаж байна. 

Энэ удаагийн тэмцээнд 17 орны 2000 гаруй тамирчин өрсөлдөж байгаа ба манай улсаас бартаат замын Downhill төрөлд МУБИС-ийн ерөнхий боловсролын сургуулийн 12 дугаар ангийн сурагч Г.Чингүүн хүрэл медаль хүртлээ. Түүний хүртсэн энэхүү медаль нь бартаат замын Downhill төрөлд монгол тамирчдын хүртэж буй анхны медаль болж байна. Монгол улсад бартаат замын Downhill төрөл 2014 оноос хөгжиж эхэлсэн ба 2018 онд анхны улсын аварга шалгаруулах тэмцээн зохион байгуулагдаж 2020 онд Тайланд улсын зохион байгуулагдсан уулын дугуйн Ази тивийн аварга шалгаруулах тэмцээнд манай тамирчид оролцож байжээ.