Монгол иргэд БНСУ-ын нисэх буудлуудаар дамжин гуравдагч орнууд руу зорчиход "транзит" виз шаардлагагүй гэж Гадаад Харилцааны Яамны Консулын газраас мэдэгдлээ.

Монгол Улсын иргэд БНСУ-аар дамжин гуравдагч орнууд руу явахад виз шаардлагатай болсон тухай мэдээлэл олон нийтийн сүлжээнд тарсан.

Уг мэдээлэл ташаа болохыг Гадаад Харилцааны Яамны Консулын газраас мэдэгдлээ.

Тус мэдэгдэлд "Бүгд Найрамдах Солонгос Улсын нисэх буудлуудаар дамжин гуравдагч орнууд руу зорчих Монгол иргэд “транзит” виз авах шаардлагагүй, хэвийн зорчиж байгаа болохыг үүгээр мэдэгдэж байна" хэмээжээ.

---