Яармагийн нүхэн гарцын явган зорчигчдын орох, гарах хэсгийн бетон цутгалтыг хийж байна
Хан-Уул дүүрэг, Наадамчдын гудамж, Яармагийн авто замд байгуулж буй нүхэн гарцын явган зорчигчдын орох, гарах хэсгийн бетон цутгалтыг хийж байна.
Тус нүхэн гарц нь нийт 37.5 метр урт, зургаан метр өргөнтэй, битүү дээвэртэй, шилэн фасадтай байхаар төлөвлөгдсөн. Харин явган зорчигчдын орох, гарах хэсэг нь хоёр талдаа тус бүр 39 метр урт, 5.7 метр өндөртэй байх юм.
Түүнчлэн хөгжлийн бэрхшээлтэй болон дугуйт хэрэгсэлтэй иргэд зорчих боломжтой байхын тулд орц, гарцыг налуу зам болон шаттай хийж, бороо орсон үед нүхэн гарц усанд автахаас сэргийлж ус зайлуулах, шүүрүүлэх худгийг мөн суурилуулж буй юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.