?LIVE: Хан-Уул дүүрэг: Хог тээврийн үйлчилгээнд нэмж 12 авто машинаар парк шинэчлэл хийнэ

Хан-Уул дүүрэг хог тээврийн үйлчилгээнд автомашины парк шинэчлэл хийж байна

Хан-Уул дүүрэг “Хоггүй Хан-Уул” хөтөлбөрийн хүрээнд дүүргийн төсвийн хөрөнгө оруулалтаар хог тээврийн үйлчилгээнд парк шинэчлэл хийгдэж БНСУ-д үйлдвэрлэсэн, сүүлийн үеийн тоног төхөөрөмжөөр тоноглогдсон, шатахуун зарцуулалт багатай, 3.5 тоннын даацтай hyundai /HD72/ маркийн хог шахаж, тээвэрлэх зургаан авто машиныг хог тээврийн компаниудад хүлээлгэн өглөө.

Мөн энэ ондоо багтаан hyundai /HD78/, /HD170/ зэрэг загварын 12 хог тээврийн машинуудаар парк шинэчлэлт хийхээр төлөвлөсөн байна. 

Тус дүүргийн хэмжээнд хог тээвэрлэх зориулалттай 42 автомашин байгаагаас 11 нь актлах шаардлагатай, ашиглалтын хугацаа дууссан, эвдрэл гэмтэлтэй, засвар үйлчилгээ их байдгаас хог ачилт хугацаандаа хийгддэггүй, иргэдийг ихээр бухимдуулдаг зэрэг асуудлууд ийнхүү шийдвэрлэгдлээ.

Хан-Уул дүүргийн Онцгой байдлын хэлтэст нэн шаардлагатай тоног төхөөрөмжийг хүлээлгэн өглөө

Сүүлийн үед усархаг бороо их хэмжээгээр орж, орон сууцны доод подваль, гараашууд усанд автан иргэд эд хөрөнгөөрөө хохирсон асуудлууд үүссэн. Энэхүү асуудлыг шийдвэрлэн, үер усны эрсдэлээс урьдчилан сэргийлэх, хор уршгийг арилгах зориулалт бүхий ус соруулах зөөврийн дизель насосыг дүүргийн Онцгой байдлын хэлтэст хүлээлгэн өглөө.

ХУД-ийн төсвийн хөрөнгөөр шийдвэрлэсэн К4100D загварын уг дизель насос нь 2022 онд үйлдвэрлэсэн, 10 метр гүнээс 1 секундэнд 29 литр ус сорох хүчин чадалтай, эргэлтийн хурд нь 1 минутад 1500 зэрэг давуу талуудтай сүүлийн үеийн төхөөрөмж гэдгийг онцолж байв.