Засгийн газрын хэрэгжүүлэгч агентлаг Ашигт малтмал, газрын тосны газраас автобензин болон түлшний нөөцийн мэдээллийг өглөө. 

Тодруулбал, 2022 оны долдугаар сарын 15-ны өдрийн байдлаар улсын хэмжээнд дунджаар А-80 автобензин 51 хоног, АИ-92 автобензин 36 хоног, АИ-95 автобензин 39 хоног, дизель түлш 24 хоног, ТС-1 онгоцны түлш 15 хоногийн ердийн хэрэглээтэй тэнцэх үлдэгдэл, нөөцтэй байна.

Монгол улсад 2022 оны нэгдүгээр сараас долдугаар сарын 8-ны хугацаанд нийт 946,3 мянган тонн газрын тосны бүтээгдэхүүн импортолсны 872,3 мянган тонн шатахуун байгаа бөгөөд үүнээс

• А-80 автобензин 19,7 мянган тонн,
• АИ-92 автобензин 314,8 мянган тонн,
• АИ-96,98 автобензин 15,3 мянган тонн,
• ДТ 472,9 мянган тонн, ШШТ 20,6 мянган тонн,
• ТС-1 онгоцны түлш 28,7 мянган тонн тус тус импортолсон байна.

---