Өнөөдөр манай таеквондочид гран при тэмцээнд тулалдана

Болгар улсын Софи хотноо паратаеквондогийн дэлхийн гран при тэмцээн өнөөдөр /6 сарын 6-ны өдөр/ зохион байгуулагдана. 

Дэлхийн чансааны эхний 16 тамирчин өрсөлдөх эрхтэй, чансаа өндөр Софи гран при тэмцээнд манай улсаас паратаеквондогийн үндэсний шигшээ багийн дасгалжуулагч Н.Эрдэнэбаатар, Д.Батнасан, П.Тэмүүжин нарын удирдлага дор дараах тамирчид өрсөлдөнө. 

• К44 ангиллын эрэгтэйчүүдийн -63кг жинд дэлхийн таван удаагийн аварга Г.Болор-Эрдэнэ
• К44 ангиллын эмэгтэйчүүдийн -47кг жинд дэлхийн аварга Х.Энхтуяа
• К44 ангиллын эрэгтэйчүүдийн -70кг жинд дэлхийн аваргын хошой мөнгөн медальт Б.Шинэбаяр
• К44 ангиллын эрэгтэйчүүдийн -58кг жинд О.Энхтүвшинзаяа

Манай баг, тамирчид Софи хотноо хүрэлцэн очоод байгаа бөгөөд Монгол улсаас Болгар улсад суугаа онц бөгөөд бүрэн эрхт элчин сайд Л.Саянаа хүлээн авч, тэмцээнд амжилт хүслээ. 

Тэмцээн өнөөдөр Улаанбаатарын цагаар 15 цагт эхлэх ба манай тамирчдын оноолт гарчээ. 

Таеквондогийн спортыг дэмжигч спортын дагнасан мэдээ, мэдээллийн www.livetv.mn/sport суваг паратаеквондогийн гранпри тэмцээний бүх дэвжээг нэгэн зэрэг шууд дамжуулан үзүүлэх болно.