Булхайцсан гүйгчдийн эрхийг хаслаа

Хятадад энэ онд 1,072 удаа олон нийтийн гүйлтийн арга хэмжээ зохион байгуулжээ. Энэ тоо өнгөрсөн жилүүдийнхээс хэдэн арваар өссөн үзүүлэлт юм.

Эдгээр гүйлтийн тэмцээн дундаас Хятадын дөрөв дэх том хот Шэнзэний хагас марафон гүйлт жил бүр уламжлал болон зохион байгуулагдаж, 16,000 гаруй хүн оролцдогоороо онцлог.

Гэтэл марафоны үеэр гүйгчид булхай хэрэглэж замаа товчилсон нь автозамын камерт бичигджээ. 250 гаруй гүйгч U хэлбэрийн гүйлтийн 21 км замыг туулахдаа бут сөөг давж 2-3 км-ээр замаа товчилсон байна. Эдгээр булхайцагчдын марафонд гүйх эрхийг нь доод тал нь хоёр жилээр хасчээ.

Энэ жилийн Шэнзэн хотын хагас марафон алдаа эндэгдлээр дүүрэн байв. Гүйгчид замаа товчилсноос гадна тэдний дунд нуугдсан байсан гурван хулгайчийг цагдаа нар илрүүлжээ.

Түүнчлэн 18 оролцогч хуурамч мандаттай байсан гэнэ. Хуурамч мандаттай, хулгай хийсэн хүмүүсийг бүх насаар нь олон нийтийн гүйлтийн арга хэмжээнд оролцохгүй байхаар шийтгэжээ.

“Гүйлтийн үеэр гарсан алдаа эндэгдэлд бид маш их харамсаж байна. Марафон бол зүгээр нэг дасгал хөдлөгөөний төрөл биш. Тэмцээнд гүйж байгаа хүн бүр хариуцлагатай байх ёстой” гэж зохион байгуулагчид нь мэдэгджээ.

Эх сурвалж: www.independent.co.uk