ОХУ-ын цэцэрлэгт галт зэвсэгт халдлага болжээ

ОХУ-ын Ульяновск мужийн Вешкайма тосгоны цэцэрлэгт нэгэн этгээд галт зэвсэгт халдлага үйлдсэний улмаас гурван хүн амиа алдаж, нэг хүн шархаджээ.

Тодруулбал, тав ба зургаан настай хоёр хүүхэд, мөн нэг эмэгтэй багш нас барсан гэж албаныхан мэдээлсэн юм. Цагдаа нарын хэлснээр, халдагч этгээд нь цэцэрлэгийн хүүхдүүдийг унтаж байх үеэр барилгад нэвтэрч, гал нээсэн бөгөөд эцэст нь өөрийгөө буудаж, амиа егүүтгэсэн байна.

Хууль хяналтынхан халдагчийг орон нутгийн оршин суугч Ахтямов Руслан гэж тогтоосон бөгөөд мэргэжилтнүүд түүнийг "сэтгэцийн өвчтэй" гэж тодорхойлж байсныг бүс нутгийн захирагч Алексей Русских тэмдэглэжээ.

Ахтямов Руслан нь хохирогчидтой ямар нэгэн холбоогүй бөгөөд түүний халдлага үйлдэх болсон шалтгаан тодорхойгүй гэж эрх баригчид онцолсон юм.

Эх сурвалж: UPI