АН-ын даргын сонгуулийн санал хураалт явагдаж дууслаа
Ардчилсан намын даргын сонгуулийн санал хураалт өнөөдрийн 09:00-20:00 цагийн хооронд явагдаж дууслаа. Санал хураалтын хугацаа ойртоход ирц идэвхжиж байсан талаар Дотоод сонгуулийн хороо мэдээлсэн байна.
Сонгинохайрхан, Баянзүрх дүүргийн ирц Улаанбаатар хотын хэмжээнд хамгийн өндөр байжээ. 16:00 цагийн байдлаар улсын хэмжээнд 42.1 хувийн ирцтэй байсан бол хоёр цагийн дараа 60 хувь давсан байна.
Санал хураалт дууссан тул гар тооллого явуулж, сонгуулийн дүнг зарлана. Хэдий нэр дэвшигч Ж.Батсуурь өөрийн хүсэлтээр нэрээ татсан ч саналын хуудас нэгэнт хэвлэгдсэн тул Х.Баттулга, Ж.Батсуурь нарын дунд санал хураалт явагдсан аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.