Сэрэмжлүүлэг: Хүнд механизмд дайруулж 13 настай хүүхэд амиа алджээ
Улсын хэмжээнд энэ долоо хоногт зам тээврийн осолд 12 хүүхэд өртөж, гэмтжээ. Үүнээс нэг хүүхдийн амь хохирсон байна.
Осолд өртсөн 4-16 насны хүүхдүүдийн 12 нь явган зорчигч хэлбэрээр хөдөлгөөнд оролцсон бол мотоцикл жолоодож хөдөлгөөнд оролцох үедээ автомашинд мөргүүлж нэг хүүхэд бэртсэн байна.
Тухайлбал, өчигдөр /2022.03.31/ 12:00 цагийн орчимд нийслэлийн Баянзүрх дүүргийн 10 дугаар хорооны нутаг дэвсгэр, "Амгалан" автобусны буудлын урд замд 13 настай хүүхэд хүнд даацын механизмд дайруулж, нас баржээ.
Иймд эцэг эхчүүд хүүхдэдээ тавих хараа хяналтаа сайжруулах, явган зорчигч хэлбэрээр бие даан хөдөлгөөнд оролцох үед заавал гарцаар, тээврийн хэрэгслийг бүрэн гүйцэд зогссоны дараа аюулгүй байдлаа хангаж зам хөндлөн гарах дадлыг хэвшүүлж, зааж зөвлөхийг анхааруулж байна.
Эх сурвалж: Тээврийн цагдаагийн алба
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.