Украины Ерөнхийлөгч асан, одоогийн хууль тогтоогч Петр Порошенко ОХУ-ын Ерөнхийлөгч Владимир Путиныг орчин үеийн Гитлертэй зүйрлээд, "Өнөөдөр эмгэнэлтэй өдөр тохиож байна" хэмээн мэдэгджээ.

Киев дэх Парламентын гишүүд үүсээд буй нөхцөл байдлын талаар хэлэлцэж байх үеэр тэрээр ийнхүү Парламентын ордны гадна үг хэлсэн байна. Украин улсыг 2014-2019 оны хооронд удирдсан Порошенко өмнө нь "Намайг Ерөнхийлөгч байсан цагт Донецк хэзээд Украины нэг хэсэг байх болно. Донецк хэзээ ч тусгаар улс болохгүй. Би газар нутгаа бусдад алдахгүй" хэмээн мэдэгдэж байсан билээ.

Орон нутгийн хэвлэлүүдийн мэдээлж буйгаар, Украины Парламентын байдал хурцадмал байгаа бөгөөд ордон дотор олон тооны зэвсэглэсэн хүн байгаа аж.

Эх сурвалж: BBC

---