Улсын өсөх идэр начин Э.Энхбат агсныг сүүлчийн замд нь үдэх ёслол өнгөрсөн оны арванхоёрдугаар сарын 31-ний өдөр болсон. Түүний шүүх эмнэлгийн шинжилгээний хариу энэ долоо хоногт гарахаар товлогдож байсан.

Тэгвэл шүүх эмнэлгийн шинжилгээний дүгнэлт үнэн зөвөөр гарчээ. Энэ талаар болон бусад холбогдолтой мэдээллийг талийгаачийн эхнэр Б.Нандинцэцэг өөрийн цахим хуудаснаа ийн нийтэлжээ. Тэрбээр;

-Хайрыгаа маш их санаж байна, хайр халамжаар нь дутаад байна. Цаг хугацаа хурдан юм аа. Хайрт ханиа алуурчдын гарт алдаад шулуухан хэлэхэд 10 сар гаруй боллоо. Яагаад алуурчид гэж олон тоон дээр хэлж байна гэхээр хажууд нь амаараа хатгагч хийсэн өвгөн, хаяад зугтсан хамсаатан магадгүй гар хөлийг барьж өгчихөөд зугтсан байх өндөр магадлалтай! "Бөөн юм болоод байна шүү дээ" гэхэд хээв нэг "Миний өрөөний тавилга өнгөрлөө" гээд хаяад явсан эр хүний үнэргүй дүр эсгэгч нарын цэвэр буруугаас болж алуурчны гарт алтан амиа алдсан ханиа бодохоор гол зурж, элэг эмтэрч байна.

Нөгөө алуурчин нь яасан хам хэрэг, бүлэг болбол ял нь хүндэрнэ гээд бүгдийг нь буруугүй гэж жүжиглэсэн хэрнээ шантаачилж эмчилгээний мөнгө нэхээд л… Үнэхээр л ямар ч буруугүй бол ядаж ирэхгүй юмаа гэхэд утас, viber, facebook бүгдийг нь мэдсээр байж эмгэнэл илэрхийлж яагаад болдоггүй юм бол!!!

Ганзул гэх эмэгтэй харин надтай ирж уулзаж, эмгэнэл илэрхийлээд явсан. Эх хүн учраас бас нэг хүн чанар гаргасан байлгүй дээ. Эхэндээ алуурчингийн эхнэр нь хүртэл над руу "Эрдэнэбат гэдэг Хо нэртэй хорчин л юм ярьсан гэж байна. Гал-Эрдэнэ хаалгыг түгжиж алалцаг гээд хаяад явсан байна" гэж ярьж ярьчихаад дараа нь тэднийг дурсахаа ч байсан…

Бид өдийг хүртэл дэндүү хүлцэнгүй, дэндүү хүнлэг хандсан шүү, муусайн хог шаарнууд минь!!! Мөрдөн байцаах ажиллагаа яаж явдагийг хэдүүлээ харна аа. Шүүх эмнэлгийн дүгнэлт үнэн зөвөөр гарсан байна билээ. Баярлалаа" гэжээ. 

---