ЗУРАГ: Сахарын цөлд цас оржээ
Алжирын баруун хойд хэсэгт орших Сахарын цөлд агаарын температур хасах хэм рүү бууж, цас орсон байна. Энэ нь Алжирын Айн Сефра хотод сүүлийн 42 жилд тав дахь удаагаа цас орсон тохиолдол аж.
Дэлхийн хамгийн том цөлийн элсэн дээр унасан цас гайхалтай дүр зургийг бий болгож, ойролцоох хотуудын хүүхдүүд энэ үзэгдлийг харахаар хүрэлцэн иржээ.
Атлас уулсаар хүрээлэгдсэн Айн Сефра хотод сүүлийн гурван шөнийн турш хоёр хэм хүйтэн байсан хэдий ч энэ нь жилийн мөн үеийн дунджаас хэдхэн хэмээр хүйтэн үзүүлэлт гэж "ВВС" агентлагийн цаг уурын сурвалжлагч Ники Берри тэмдэглэсэн байна. Тус хотод 2017 оноос хойш цас орох нь тийм ч ховор үзэгдэл биш болсон бөгөөд үүнээс өмнө хамгийн өмнө сүүлд 1979 онд цас унаж байжээ.
Эх сурвалж: BBC
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.