П.Врайт дэлхийн хошой аварга болж хоёр тэрбум гаруй төгрөгийн шагнал хүртлээ

Мэргэжлийн дартсын корпорацаас зохион байгуулдаг 29 дэх удаагийн дартсын ДАШТ Англи улсын Лондон хотноо зохион байгуулагдаж өндөрлөлөө. 

Дэлхийн чансааны эхний 32 тамирчин, удаах 32 тамирчин, олон улсын квотоор 32 тамирчин буюу нийт нийт 96 тамирчин өрсөлддөг уламжлалтай ДАШТ-ий шигшээд Английн М.Смит болон Шотландын П.Врайт нар тунан үлдэж 2020 оны дэлхийн аварга бөгөөд дэлхийн чансааны хоёрдугаарт эрэмбэлэгдэж буй Петр Врайт 7:5 харьцаагаар хожил байгуулж дэлхийд дахин түрүүллээ. Тус ДАШТ-ий нийт шагналын сан нь 2,5 сая фунт стерлинг бөгөөд түрүүлсэн тамирчин 500,000 фунт стерлинг буюу монгол мөнгөөр ойролцоогоор хоёр тэрбум төгрөгийн шагнал хүртлээ. 

Өдгөө 51 настай Шотланд эр Петр Врайт хагас шигшээд дэлхийн хошой аварга, өөрийн нутаг нэгт Гери Андерсоныг буулган авч шигшээд шалгарсан юм. Харин М.Смит хагас шигшээд ДАШТ-д дөрөв дэх удаагаа хагас шигшээд тунан үлдэж буй мөн л өөрийн нутаг нэгт "The Machine" хочит Ж.Вэйдийг буулган авч шигшээд үлдсэн юм.