Үндэсний эрх чөлөө, тусгаар тогтнолоо сэргээсний баярын өдөр маргааш тохиож байгаа бөгөөд УИХ-ын хүндэтгэлийн чуулганаа хуралдуулна.
Энэ жил хүндэтгэлийн чуулганыг Өвөрхангай аймгийн Хархорин суманд хийхээр товлоод байсан ч цуцалсан юм. Тиймээс маргааш Төрийн ордонд 12.00 цагт хүндэтгэлийн чуулганаа хийнэ. Хүндэтгэлийн чуулганд УИХ-ын дарга Г.Занданшатар үг хэлэх бол мөн Ерөнхийлөгч У.Хүрэлсүх оролцож үг хэлэх юм байна. 

1911 оны цагаагчин гахай жилийн өвлийн дунд сарын шинийн есөн буюу аргын тооллын 1911 оны арванхоёрдугаар сарын 29-нд Монгол Улсын түүхэнд 200 гаруй жил үргэлжилсэн Манж Чин гүрний ноёрхлыг эцэс болгон Монголчууд үндэсний тусгаар тогтнолоо зарлаж, VIII Богдыг Монгол улсын шашин төрийг хослон баригч, хэмжээгүй эрхт хаанд өргөмжилж түүнд төрийн тамга, төрийн далбаа, өргөмжлөл, хүндэтгэлийг өргөж, таван яам бүхий засгийн газрыг байгуулах түүхэн шийдвэр гарган, тусгаар тогтносон Богд хаант Монгол Улсыг байгуулсан юм. Арванхоёрдугаар сарын 29-ыг нийтээр тэмдэглэх тэмдэглэлт өдөр болгон хуульчилсан юм. 

---