?LIVE: М.Тулгат: АН-ын дарга С.Эрдэнийг Үндсэн дүрмийн хороогоор шалгуулна

АН-ын дарга М.Тулгат, тус намын нарийн бичгийн дарга нар болох Р.Эрдэнэбүрэн, Ч.Өнөрбаяр, Ц.Оюундарь, Ч.Отгочулуу нар АН-ын дарга С.Эрдэнийг Үндсэн дүрмийн хороонд өгч байгаа талаараа мэдээлэл хийлээ. Учир нь, цахим сонгуулиар сонгогдсон М.Тулгатын нэрийг УДШ-д өгөөд, үүнийгээ буцаан татсан нь АН-ын дүрмийг зөрчсөн гэв. 

АН-ын дарга М.Тулгат: 

-Намайг АН-ын эрх мэдлийг хууль бусаар авах гэж байна гэж АН-ын дарга С.Эрдэнэ мэдэгдсэн. УДШ намайг АН-ын даргаар бүртгэнэ гэдэгт 100 хувь итгэлтэй  байсан учир би тэр бичигт "гомдол, санал гаргахгүй" гэж О.Цогтгэрэлийн хамтаар гарын үсэг зурсан.

Гэтэл намайг АН-ын даргаар бүртгүүлэх хүсэлтээ буцаан татсан. Хэрэв үүнийг буцаан татаагүй бол АН-ын асуудал нэг талдаа гарах байсан. Хүсэлтээ буцаан татсаныг АН-ын удирдлагын баг болох бид нар мэдээгүй. 

АН-ын эв нэгдэл хэн, хэн саад болоод байгааг би ярьж болохгүй байна. Тэр хүмүүст хандан хэлэхэд, хувийн сонирхлоо хойш татаач ээ. УДШ улс төрийн сонирхлын бус шийдвэр гаргаач ээ. 

АН-ын дарга С.Эрдэнэ намайг "хүний үгээр явахгүй юм байна" гэж бодсоноос нэрийг минь татсан. Иймд түүнийг АН-ын Үндсэн дүрмийн хороонд 3-4 үндэслэлээр өгч шалгуулна. Энэ бол М.Тулгат гэдэг хүний асуудал биш, АН-ын 200 мянган гишүүний асуудал болоод байна гэв.