Москвагийн төрийн үйлчилгээний газарт халдлага болж, хоёр хүн амиа алджээ
Москва хотын зүүн өмнөд хэсэгт байрлах төрийн үйлчилгээний газарт нэгэн эрэгтэй гал нээж, хоёр хүний аминд хүрэн, гурван хүнийг шархдуулжээ.
Энэ талаар Москва хотын дарга Сергей Собянин мэдэгдэхдээ "Рязанскийн төрийн үйлчилгээний газарт эмгэнэлт хэрэг гарлаа. Үл таних этгээд гал нээж, хоёр хүний амиа алдан, гурван хүн шархадсан. Алуурчинг баривчилсан" гэж тэмдэглэсэн байна.
Мөн орон нутгийн эмч нар шархадсан хүмүүсийн эмнэлгийн тусламж үзүүлэхээр чадах бүхнээ хийж байгаа гэдгийг онцолжээ.
Хууль сахиулах байгууллагын эх сурвалжийн мэдээлснээр, Рязанскийн төрийн үйлчилгээний газрын ажилтнууд тус эрэгтэйг амны хаалтаа өмсөхийг шаардсаны дараа тэрээр галт зэвсэг гаргаж ирсэн аж. Одоо мөрдөн байцаагчид эрүүгийн хэрэг үүсгэн шалгаж байна.
Эх сурвалж: TASS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.