ТАНИЛЦ: Барилдах эрхээ хасуулсан бөхчүүдийн нэрс

Монголын үндэсний бөхийн холбооны тэргүүлэгчдийн ээлжит хурал өчигдөр /2021.12.06/ дараах асуудлуудыг хэлэлцэн шийдвэрлэсэн байна.

Үндэсний бөхийн барилдааны дүрмийн 7.3-д заасны дагуу допингийн зөрчил давтан гаргасан улсын арслан Э.Оюунболдын барилдах эрхийг 8 жилээр, допингийн зөрчил гаргасан аймгийн арслан Н.Батсайхан, Б.Хадбаатар, аймгийн заан Б.Уртнасан нарын барилдах эрхийг 4 жилээр хасав.

Үндэсний бөхийн барилдааны дүрмийн 7-р бүлэгт заасны дагуу ёс зүйн зөрчил гаргасан:

-Аймгийн харцага Ж.Дэлгэрсайхан /2021.12.04-нд Ардчилсан намын нэрэмжит барилдааны нэгийн даваанд/-ыг нэг жилээр /давтан үйлдэл/,

-Сумын заан Ё.Гантулга /2021.11.13-нд Бүх цэргийн наадмын барилдааны нэгийн даваанд/,

-Сумын заан О.Баяржаргал /2021.11.27-нд Сумын цолтон залуу бөхчүүдийн барилдааны тавын даваанд/ нарын барилдах эрхийг зургаан сараар хаслаа.

МҮБХ-ны дүрмийн 11.28-д заасны дагуу улсын харцага Д.Батболдыг Тэргүүлэгчийн үүрэг гүйцэтгэгчээр батлав гэж Монголын үндэсний бөхийн холбооноос мэдээллээ.