Улсын хэмжээнд сүүлийн 24 цагт коронавируст халдварын 941 шинэ тохиолдол бүртгэгджээ. Эдгээр тохиолдлын 700 нь Улаанбаатар хотод, 241 нь орон нутагт илэрсэн байна. Өнөөдрийн байдлаар коронавируст халдварын улмаас 12 мянга 113 хүн эмнэлэгт хэвтэн эмчлүүлж байгаагаас

• нэн хүнд 276 өвчтөн
• хүнд 1,393 өвчтөн
• хүндэвтэр 5,198 өвчтөн
• хөнгөн 5,246 өвчтөн байгаа юм.

Хэвтэн эмчлүүлж байгаа иргэдийн 593 нь жирэмсэн эх байгааг Эрүүл мэндийн яамнаас мэдээллээ. Харин гэрийн хяналтад 31 мянга 527 хүн байна. 

Өчигдрийн байдлаар архаг хууч өвчин болон КОВИД-19 хавсарсан шалтгааны улмаас 41-80 гаруй насны 12 иргэн нас баржээ. Нас баралтын гол шалтгаан нь зүрх судасны өвчин, чихрийн шижин болон бөөрний эмгэг байгаа юм. 

 

---