Наймдугаар сарын 16, 17-нд зохион байгуулсан 512 бөхийн барилдаанд шөвгөрсөн 16, өөрсдийн саналаар шинжилгээ өгсөн хоёр, нийт 18 бөхийн дөрвөөс нь допинг илэрсэн. 

Тэгвэл дөрвөн бөхийн нэг нь B сорьцоо шинжлүүлэх хүсэлт гаргасан байна. 

МҮБХ Монголын үндэсний допингийн эсрэг байгууллагаас ирүүлсэн хариуг допингийн төрлийн бодис илэрсэн дөрвөн бөхөд мэдэгджээ. Ийнхүү холбогдох дүрмийн дагуу нэр бүхий бөхчүүд 10 хоногийн дотор B сорьцоо шинжлүүлэх эсэхээ мэдэгдэх журамтай. Тэгвэл арваннэгдүгээр сарын 8-нд 10 хоногийн хугацаа дуусаж нэг бөх B сорьцоо шинжлүүлэх хүсэлт гаргасан тул дүрэм ёсоор уг шинжилгээний хариуг БНСУ-ын итгэмжлэгдсэн лабораториос ирүүлсний дараа мэдээлэх юм байна.

---