Түүхэн гэж нэрлэж болох Парламентын сонгууль Герман улсад болов
Канцлер Ангела Меркель дараагийн Засгийн газар байгуулагдсаны дараа улс төрөөс бүрмөсөн явахаа мэдэгдээд байгаа юм. Өнгөрсөн ням гарагт болсон Парламентын сонгууль "Төмөр хатагтай"-н 16 жилийн засаглалын дараа болж буй сонгууль юм.
ХБНГУ -ын Бундестаг буюу Парламентын сонгуулийн урьдчилсан дүн гарчээ. Германы зүүнтнийг баримтлагч Социалист ардчилсан нам (SPD) сонгуульд ялалт байгуулаад байна. Урьдчилсан дүнгээр канцлер Ангела Меркелийн эрх баригч консерватив намын хувьд ялалт байгуулахад хангалттай санал авч чадсангүй.
Хатагтай Меркелийн залгамжлагч Армин Ласчет Засгийн газар байгуулна гэж амласан боловч түүний консерватив /Христийн ардчилсан холбоо-CDU/ нам түүхэн дэх хамгийн муу үзүүлэлттэй байна.
Германы Социалист ардчилсан намын (SPD) төлөө сонгогчдын 25.8 хувь нь саналаа өгсөн бол Христийн Ардчилсан холбоо, Христийн Нийгмийн холбоо намуудын эвсэл / CDU /CSU/ 24.1 хувийн санал авсан байна.
Бусад намуудын хувьд “Ногоон” нам 14.6 хувь , Чөлөөт Ардчилсан нам 11.5 хувь, Шинэ Герман нам 10,5 хувь, Зүүний нам 4.9 хувийн саналыг тус тус авсан гэх албан ёсны урьдчилсан дүн өнөөдөр өглөө гарсан байна. Гэвч тус сонгуулийн эцсийн дүн хоёр долоо хоногийн дараа гаргах юм.
Орчуулсан: Г.Энхсаруул
Эх сурвалж: ВВС
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.