Домогт аварга Хакухо М.Даваажаргал зодог тайлахаар болжээ

Японы мэргэжлийн сумо бөхийн 69 дэх их аварга Хакухо М.Даваажаргал зодог тайлах болсон талаар Японы хэвлэлээр ид шуугьж байна.

Хэдийгээр их аварга болоод Сумо бөхийн холбооны зүгээс энэхүү мэдээллийг батлаагүй ч Японы бүхий л томоохон хэвлэлүүд "баттай эх сурвалжийн мэдээллээр" хэмээх тодотголтойгоор мэдээлсээр байна. Зодог тайлах шалтгаан нь түүний баруун өвдөгний бэртэл нь бүрэн эдгэхгүй байгаа ба гэжээ. Хэрэв их аварга зодог тайлах нь үнэн бол 20 жилийн ялгуулсан амжилт нь энэ хүрээд зогсож байна. Өнгөрсөн хугацаанд сумо бөхийн бүхий л томоохон рекордуудыг эзэмшигч их аварга 45 түрүү, 1187 ялалт, аварга цолтойгоор 14 жил барилдсан түүний амжилтууд эвдэгдэхэд их хугацаа орох нь дамжиггүй. Одоогоос хоёр жилийн өмнө (2019 оны есдүгээр сард) Япон улсын иргэншилтэй болсон их аварга өөрийн дэвжээгээ байгуулж шинэ, шинэ аваргууд олныг төрүүлэн гаргах ажилдаа орох биз ээ.