Мадридын амьтны хүрээлэнд хулсны баавгайн ихэр зулзага мэндэлжээ
Испанийн нийслэл Мадрид хотын Аквариум амьтны хүрээлэнд хулсны баавгайн ихэр зулзага өнгөрсөн ням гарагт мэндэлжээ. Амьтны хүрээлэнгийн зүгээс бяцхан бамбаруушуудад хараахан нэр өгөөгүй байгаа ба хүйсийг нь тодорхойлоогүй байна.
Аквариум амьтны хүрээлэн Хятадаас Хуа Зуй Ба, Бин Шин нэртэй эм, эр хулсны баавгайнуудыг зээлдэж авсан бөгөөд тэдний дундаас нийт зургаан бамбарууш төржээ. Хулсны баавгайн нэг бамбарууш 0,171 кг, нөгөө нь 0,137 кг жинтэй мэндэлжээ.
Хулсны баавгайн тоо толгой ойрын жилүүдэд өсч 1,864 болсон ч уул уурхай, газар тариалан, хүн амын өсөлт, орон нутгийн хөгжил, хатуу ширүүн цаг агаар тэдний өсөлтөд заналхийлсээр байгаа юм.
Эх сурвалж: The Guardian
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.