БИЧЛЭГ: Талийгаач авга эгчдээ зориулж хонинуудаар зүрхэн хэлбэр үүсгэжээ
Австралийн хоньчин Бен Жексон коронавирусийн хязгаарлалтын улмаас талийгаач авга эгчийнхээ оршуулах ёслолд оролцож чадаагүй байна. Оронд нь тэрээр авга эгчийнхээ дурсгалд зориулж хонинуудаараа зүрхэн хэлбэр үүсгэжээ.
Түүний авга эгч Дебби нь хорт хавдартай байсан бөгөөд Жексон Шинэ Өмнөд Уэльсээс Брисбэн хот руу явах боломжгүй байсан тул авга эгчтэйгээ уулзаж чадаагүй ба дараа нь оршуулах ёслолд нь ч оролцож чадаагүй аж. Ямар ч сонголтгүй болсон Жексон тариагаа зүрхэн хэлбэрээр тарааж тавиад, олон мянган хонио сул тавьсан байна. Үүний үр дүнд үүссэн онцгой зүрхэн хэлбэрийг тэрээр дроноор бичин, гэр бүлийнхэнтэйгээ хуваалцсан бөгөөд уг бичлэгийг оршуулах ёслолын үеэр үзүүлжээ.
Жексон цар тахлын эхэн үеэс эхлэн хонинуудаа ашиглан олон төрлийн дүрс үүсгэж, бичлэг хийх болсон бөгөөд түүний авга эгч нь түүний бүтээлүүдийг шимтэн үздэг байсан гэнэ.
Эх сурвалж: UPI
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.