“Андлалын өргөө” цогцолборыг нураасантай холбогдуулан БОАЖ-ын сайд Н.Уртнасан тайлбар хийлээ.

БОАЖ-ын сайд Н.Уртнасан:

-Уг хөшөөг БОАЖЯ, Хэнтий аймгийн Засаг даргын тамгын газар, төслийн гүйцэтгэгч “Хос санаа” компанитай гурвалсан гэрээ байгуулж, барилга угсралтын ажлаа 2018 онд эхлүүлсэн.

Зураг төслийг зохионсон МУУГЗ Д.Эрдэмбилэг барилга угсралтын ажил явагдаж байх хугацаанд нас барсан. Харин БАОЖЯ-аас судалгаа явуулж, Д.Эрдэмбилэг агсны шавь нартай уулзаж, анхны зураг төслийн дагуу явуулах боломж байгаа эсэхийг тодруулсан. Гэвч зураг төслийг зохиогч нь өөрөө барилгын явцад хяналт тавьж чадахгүйгээс хүндрэл үүсч байна гэсэн дүгнэлт гарсан.

Тиймээс оюуны өмчийг цуцлахтай холбоотой санал гарсан. Мөн цогцолборын бүтээн байгуулалт дуусаагүй байхад олон нийтийн дунд шүүмжлэл гарсан учраас зохиогчийн гэр бүл, “Хос санаа” компаниас оюуны өмч шилжүүлэх гэрээг цуцлах хүсэлт тавьсан. Ингээд оюуны өмчийн гэрээг цуцалсан.

Төсвөөс гарсан тэрбум 965 мянган төгрөгийг төлөх саналыг БОАЖЯ-аас компанид өгсөн. "Хос санаа" компани хөрөнгөө буцаан төвлөрүүлж, улсыг хохиролгүй болгосон.

Хөшөөг нураасан зардлыг улсын төсвөөс гаргахгүй. Гэхдээ тухайн компани өөрөө зардлаа хариуцна. Барилгын хог, хаягдлыг орон нутагт булж, дарах аргаар хаяна.

Хос санаа компани нь барилгын чиглэлийн компани биш юм билээ. Гэтэл яаж шалгарсан юм бэ?

-2018 онд Төрийн захиргаа удирдлагын газраас Үнэлгээний комисс гарч, “Хос санаа” компани шалгарсан байдаг. Харин 1,9 тэрбумын төсөв хэрхэн гаргасныг БОАЖЯ-аас мэдээлэл өгөх боломжгүй. Тог, цахилгаан, дэд бүтцийн зардал уг төслийн төлбөрт хамаарахгүй. Тус бүс нутагт угаасаа аялал жуулчлал хөгжүүлэх учир дэд бүтэц тавигдах нь зүй ёсны хэрэг.

---