Нийслэл, дүүргийн Засаг даргын захирамжийн дагуу Иргэдийн эрүүл, аюулгүй амьдрах орчин, нөхцөлийг сайжруулах ажлын хүрээнд Сонгинохайрхан дүүргийн 17 дугаар хорооны нутаг дэвсгэрт 0.9 га нийтийн эдэлбэр газрыг чөлөөлж 132 ширхэг чингэлэг, гараашуудыг буулгасан.

Газар чөлөөлсөн талбайд 1800 мкв явган хүний зам, 3996 мкв талбайд ногоон зүлэг тарьж, 600 мкв үерийн далан сувгийн аюулгүй байдлыг хангах эко хавтан суурилуулж тохижуулсан билээ. Тэгвэл тус талбайд 1.8 метр өргөнтэй 520 метр дугуйн зам барих ажил үргэлжилж байна.
Энэхүү ажил анх 2021 оны 03 дугаар сарын 03-ны өдөр эхэлж байсан бол өнөөдөр тохижилтын ажил явагдаж байна.

---